ဘွဲ့လွန်စာတမ်းကို ရက်ပ်စာသားအဖြစ် ပြောင်းလဲအသက်သွင်းခဲ့ပြီး ဒုတိယ အမှတ်များဆုံးရရှိသွားတဲ့ ဟားဗက်ကျောင်းသား

လောကထဲက ဘယ်အရာမဆို အနုပညာနဲ့ မလွတ်ကင်းနိုင်ဘူးဆိုတာကို Obasi Shaw လို့အမည်ရတဲ့ ဟားဗက်တက္ကသိုလ်ကျောင်းသားတစ်ဦးက သက်သေပြသွားနိုင်ခဲ့ပါတယ်။ Shaw ဟာ သူရဲ့ Thesis စာတမ်းကို ဟားဗက်တက္ကသိုလ်ရဲ့သမိုင်းကြောင်းတလျောက် ပထမဆုံးအနေနဲ့ Thesis ကို ရက်ပ်စာသားအဖြစ် ပြောင်းလဲအသက်သွင်းခဲ့သူအဖြစ် သတ်မှတ်ခံရပြီး နောက်ဆုံးမှာတော့ ဘွဲ့လက်မှတ်ကိုပါ ရရှိသွားခဲ့သူဖြစ်ပါတယ်။

အသက်နှစ်ဆယ်အရွှယ်ရှိ ဟားဗက်တက္ကသိုလ်ကျောင်းသား Obasi Shaw ဟာ သူရဲ့ဘွဲ့ကြိုစာတမ်းများကို တေးသီချင်းဆယ်ပုဒ်စာခန့်အထိရအောင် ပြောင်းလဲရေးသားခဲ့ပြီး Liminal Minds လို့အမည်ပေးထားတဲ့ ရက်ပ်အယ်ဘမ်အဖြစ် တစ်နှစ်အတွင်းမှာပဲ ဖန်တီးနိုင်ခဲ့ပါတယ်။ Shaw ဟာ ၁၄ရာစုနှစ်အတွင်း Geoffrey Chaucer ရဲ့ မျိုးပွားမှုနဲ့ပတ်သက်တဲ့ အကြောင်းအရာများထဲကမှ ဇာတ်ကောင်တစ်ချင်းစီရဲ့ရှုထောင့်အသီးသီးကို ရက်ပ်စာသားတွေအဖြစ် ပြောင်းလဲခဲ့လိုက်တာဖြစ်ပါတယ်။

Shaw ကို အခုလို အလန်းစားဖန်တီးမှုလေးဖြစ်အောင် အကြံပေးခဲ့သူကတော့ Shaw ရဲ့ မိခင်ဖြစ်ပြီး Shaw က အိမ်မှာ အမြဲလိုလို ရက်ပ်စာသားတွေ ရေးစပ်သီကုံးနေတာကို သူ့မိခင်က သတိထားမိရာကနေ ဘွဲ့ကြိုစာတမ်းကိုလည်း ရက်ပ်စာသားနဲ့ ရေးသားကြည့်ဖို့ အကြံပြုလိုက်တာဖြစ်ပါတယ်။ အခုဆို Shaw ဟာ သူရဲ့ ဖန်တီးမှုကြောင့် ဌာနရဲ့ဒုတိယအမြင့်ဆုံးရမှတ်နဲ့ ဘွဲ့ရရှိသွားခဲ့သလို ဟားဗက်တက္ကသိုလ်ရဲ့ သမိုင်းစာမျက်နှာမှာလည်း မှတ်ကျောက်တင်ခံရတော့မှာဖြစ်ပါတယ်။

Shaw ရဲ့ ဖန်တီးမှုစွမ်းအားနဲ့ပတ်သက်ပြီး ဟားဗက်တက္ကသိုလ်ရဲ့ အင်္ဂလိပ်စာ ကထိကလည်းဖြစ် Shaw ရဲ့ Thesis ကို အကြံပေးသူလည်းဖြစ်တဲ့ Josh Bell ကတော့ Shaw ရဲ့ ဖန်တီးနိုင်မှုဟာ ဘွဲ့တစ်ခုကို ရရှိစေရုံသာမကပဲ အနုပညာရှင်တစ်ယောက်ရဲ့စွမ်းရည်ကိုပါ ချပြသွားခဲ့သလို ဖြစ်စေနိုင်ခဲ့တယ်လို့ သုံးသပ်ပြောဆိုခဲ့ပါတယ်။


Shaw ဟာ ဘွဲ့ရရှိသွားခဲ့ပြီဖြစ်လို့ သိပ်မကြာခင် အချိန်ပိုင်းအတွင်း ကမ္ဘာကျော်ကုမ္မဏီ Google မှာ ဆော့ဝဲလ်အင်ဂျင်နီယာတစ်ယောက်အဖြစ် ဝင်ရောက်လုပ်ကိုင်တော့မှာဖြစ်ပါတယ်။ တကယ်လို့များ Shaw သာ ဂီတလောကထဲကို ဝင်ရောက်လာမယ်ဆိုရင်တော့ ရက်ပ်ဂီတလောကအတွက် အရည်အချင်းရှိတဲ့ အဆိုတော်တစ်ယောက် ထွက်ပေါ်လာသလို ဖြစ်နိုင်ပါတယ်။ Shaw ရဲ့ စွမ်းရည်တွေကို သိရှိချင်ရင်လည်း Soundcloud မှာ ရှာဖွေနားဆင်နိုင်ပါတယ်ခင်ဗျာ။

VitamiN
Credit: Thit Htoo Lwin

တင်သားလှလှ ထွက်ချင်လား....

တင်သားတခုရဲ့အချိုးအစားဟာ ခါးဆိုက်အပေါ်မှာ များစွာမူတည်တယ်။ အကြောင်းရာတခုကို ချဉ်းကပ်တဲ့အခါ contrast ဆန့်ကျင်ဖက် သဘောကို အရင်နားလည်ဖို့လိုပါတယ်။ အရာဝတ္တုတခု မျက်စိထဲမှာ ထင်းနေဖို့ ကျန်ဝတ္တုတခုက မှောင်ပေးရတာ သဘာဝပါ။ အဲလိုပဲ တင်သားလှချင်ကြီးဖို့ သူနဲ့ကပ်ရပ် ခါးဆိုက်အရွယ်အစား တတ်နိုင်သမျှ သေးအောင် လုပ်ရမယ်။ ဒါက သီအိုရီ။အရပ်ငါးပေ၈လက်မရှိတဲ့ မိန်းကလေးတယောက်ရဲ့ ခါးဆိုက်ဟာ ၂၈ ရှိရင် အကောင်းဆုံးဖြစ်တယ်။ ခါးဆိုက်နဲ့ တင်သား အမြဲအချိုးကျနေရမယ်။ waist-hip ratio ခါးနဲ့ တင်သားအချုးအစားက 0.7 ရှိရင် အဆိုပါ အမျိူးသမီးဟာ ဆန့်ကျင်ဖက်လိင်တွေကို ပိုဆွဲဆောင်နိုင်တယ်လို့ ဆိုတယ်။ ယေဘုယျ waist-hip ratio အချိုးအစား 0.6 ရှိရင် အကောင်းဆုံးဖြစ်ပါတယ်။

တင်သားလှဖို့ အစားအသောက်၊ အနေအထိုင်နဲ့ လေ့ကျင့်ခန်း ပြုလုပ်ပေးဖို့ လိုပါတယ်။ တင်းသားအရွယ်အစားက အီစတိုဂျင်ဟော်မုန်းနဲ့ ဆက်စပ်နေပြန်တယ်။ စားတဲ့ထဲမှာ အဆီများရင် အီစတိုဂျင်ထုတ်ပေးတယ်။ အဆီဆဲလ်ထဲမှာ aromatase ခေါ်တဲ့ အီစတိုဂျင်ဖွဲ့စည်းမှုအားပေးတဲ့ အင်ဇိုင်းဓာတ်တမျိုးရှိတယ်။ သူက တင်ပါး၊ရင်သား ဖွံဖြိုးအောင် ပြုလုပ်ပေးတယ်။ ဒါ့ကြောင့် သတ်သတ်လွတ်သမားတွေ၊ အစားရှောင်တဲ့သူတွေဟာ သူများလောက် မဖွံ့ထွားတာဖြစ်ပါတယ်။

အစားသောက်ထဲမှာ ပရိုတင်းနဲ့ ကာဗိုဟိုက်ဒရိတ် ကို အဓိကစားသင့်တယ်။ ပရိုတင်း (၃၀)ဂရမ်နဲ့ ကာဗိုဟိုက်ဒရိတ် (၁၅၀)ဂရမ်ကို လေ့ကျင့်ခန်းလုပ်ပြီး နာရီဝက်အတွင်း စားရင် ပိုထူးခြားတယ်။ အုတ်ဂျုံ၊ ကြက်ဥအကာနဲ့ ပဲနက်စေ့ များများစားပါ။ polyunsaturated fats ပါတဲ့ ငါးအဆီပိုကဲ စားသင့်တယ်။ ပရိုတင်းဓာတ်ထဲမှာ ပဲအမျိုးမျိုး၊ ပဲနို့၊ ချီးစ်၊ ကြက်ရင်အုံသား၊ ဆာမွန်ငါး၊ တူနာငါး စတာတွေ ကောင်းတယ်။ ကာဗိုဟိုက်ဒရိတ်ထဲက ဆန်လုံးညို၊ အုတ်ဂျုံ၊ ပေါင်မုန့်၊ ကန်စွန်းဥ၊ အစေ့အဆန် စတာတွေ စားသင့်တယ်။ တရက်ကို ခြောက်ကြိမ် အစားအသောက် မျှတအောင် စားပေးသင့်တယ်။

(၁) မနက်စာကြက်ဥအကာနှစ်လုံး၊ ပေါင်မုန့်တချပ်နဲ့ သစ်သီးတမျိုးမျုးစားပါ။
(၂) ဒိန်ချဉ်နဲ့ စတော်ဘယ်ရီသီးအရောကို သောက်ပါ။
(၃) နေ့လည်စာ ကြက်သားရင်အုပ်နဲ့ ဟင်းသီးဟင်းရွက်ပြုတ်စားပါ။
(၄) ညနေပိုင်း ပေါင်မုန့် ထောပတ်သုတ် အစာပြေစားနိုင်တယ်။
(၅) ညစာ အမဲသား လက်တဖဝါးစာကို အရွက်ကြော်နဲ့စားပါ။
(၆) အိပ်ခါနီး protein shake သောက်ပါ။

တင်ပါးလေ့ကျင့်ခန်း မလုပ်ခင် ခန္ဓာဗေဒကို အရင်ဆုံးနားလည်ဖို့ လိုပါတယ်။ တင်ပါးမှာ gluteus muscle ကြွက်သားအစုအဝေးဆိုတာ ရှိတယ်။ အဓိကကြွက်သား သုံးခုရှိတယ်။ ဒီကြွက်သားတွေက ခန္ဓာကိုယ်မှာ အကြီးဆုံးဖြစ်တယ်။ တင်သားကြီးပြီး လုံးချင်ရင် ဒီကြွက်သားအစုအဝေးကို လေ့ကျင့်ပေးရမှာ ဖြစ်တယ်။

ဘာတွေ လုပ်မလဲ
(၁) လက်ဆန့်ပြီး တင်ပါးကို နောက်ထုတ်ပြီး ထိုင် ထလုပ်ပါ။ ဒီလေ့ကျင့်ခန်းကို squat ခေါ်တယ်။ တင်ပါးမှာရှိတဲ့ ဂလူးတီးယပ်စ် ကြွက်သားကို ကြီးထွားစေတယ်။ တခါလုပ် အကြိမ် (၂၀)လ၊ သုံးကျော့စီ ပြန်လုပ်သင့်တယ်။
(၂) lunges ဆိုတာ ခါးထောက်ပြီး ခြေထောက်တဖက်စီကို ရှေ့ထုတ်ပြီး ထိုင်ချတဲ့ လေ့ကျင့်ခန်းဖြစ်ပါတယ်။ lunges လုပ်ခြင်းက နောက်ပိုင်းအလှ ကောက်ကြောင်းကို ပေါ်လွင်စေတယ်။
(၃) deadlift ဆိုတာ ခါးကုန်း အလေးမပြီး ခါးဆန့် ပြန်ထရတဲ့ လေ့ကျင်ခန်းဖြစ်ပါတယ်။
ဒီလေ့ကျင့်ခန်းက တင်ပါးနဲ့ ပေါင်ကြွက်သားတွေကို ကြီးထွားစေတယ်။ဘယ်လေ့ကျင့်ခန်းမဆို ခါးနောက်ပ်ုင်းကိုသာ အားထုတ်လုပ်ရမယ်။
(၄) hip extension ဆိုတာ လေးဖက်ထောက်အနေအထားမှ ခြေထောက် နောက်ပစ်လွှဲရတဲ့ လေ့ကျင့်ခန်းဖြစ်ပါတယ်။ လေ့ကျင့်ခန်း လုပ်စဉ် waist trainer လို ဝတ်စုံမျိုးဝတ်သင့်တယ်။ ဒါမှ ခါးမှာရှိတဲ့အဆီတွေက အောင်ပိုင်းကို ကျသွားမှာဖြစ်တယ်။

ဈေးကွက်ထဲမှာ တင်သားကြီးစေတဲ့ သောက်ဆေး၊လိမ်းဆေး အမျိုးမျိုးရှိတယ်။ butt enhancing pills ဆိုတာ တင်သားကြီးထွားတဲ့ သောက်ဆေးကို ခေါ်တာ။ အဓိကအားဖြင့် ဟော်မုန်းထိန်းညှိပေးတာဖြစ်တယ်။ ထိန်းညှိတယ်ဆိုတာ မဟော်မုန်း estrogen များစေတာဖြစ်ပြီး ယောကျာ်းဟော်မုန်း androgen နည်းစေတာဖြစ်တယ်။ မဟော်မုန်းများရင် အဆီတွေက ခန္ဓာကိုယ်ရဲ့ ပေါင်၊ရင်သား၊တင်ပါးစတဲ့နေရာတွေသာ စုအောင်းနေမယ်။

သောက်ဆေးအားလုံးထဲမှာ အသုံးများဆုံးက maca root ပါတဲ့ဆေးတွေဖြစ်တယ်။ ဒီဆေးက ပီရူးနိုင်ငံမှာ အားဆေးအနေနဲ့အသုံးများတယ်။ နောက်ပြီး saw palmetto, berries, Fenugreek seed , fennel seed,L-tyrosine တွေ သုံးကြတယ်။ သဘာဝဆေးတွေထဲမှာ Wild Mexican Yam , thistle, Kelp, Dong Quai, Mothers's wort စတဲ့ဆေးတွေ အသုံးများဆုံးပဲ။ အာနိသင်သက်ရောက်မှုက တခုနဲ့တခုကွာမယ်။ ပဲနို့နေ့စဉ်သောက်ပေးခြင်းက တင်သားကို ကြီးထွားစေတယ်။

လိမ်းဆေးတွေလည်း ရှိတယ်။ အပူပိုင်း အာဖရိကမှာ တွေ့တဲ့ Kigelia Africana ကို အခြေခံပြီးထုတ်တာ များတယ်။ အာနိသင်က fibrous တွယ်ဆက်တစ်ရှုး ဖွဲ့စည်းမှုက်ု အားပေးတာဖြစ်လို့ တင်ပါးနဲ့ ရင်သား ကြီးထွားစေတယ်။ လိမ်းဆေးထဲမှာ နာမည်ကြီးတွေက gluteboost, booty magic , booty perfect cream, iso sensual curve စတဲ့လိမ်းဆေးတွေ ဖြစ်တယ်။ ဆေးကို တနေ့ တကြိမ်မှ နှစ်ကြိမ် အချိန်မှန်လိမ်းပေးရတယ်။ တချို့ဆေးတွေထဲမှာ ရှားစောင်းလက်ပပ်၊ ထောပတ်၊ မက္ကာမြစ်၊ ဘယ်ရီသီး၊ ကော်ဖီစေ့၊ အလှဆီ၊ သံလွင်ဆီ၊ ဗာဒံဆီဂစတာတွေ ပါလေ့ရှိတယ်။

သိပ္ပံနည်းကျမဟုတ်တဲ့ အလွယ်သုံး အရပ်ပြောနည်းတွေလည်း ရှိပါတယ်။ nivea အပြာရောင် လိမ်းဆေးခရင်မ်ကို သံလွင်ဆီနဲ့ရောပြီး တင်ပါးက်ု လိမ်းလို့ရတယ်။ နောက်တနည်းက ငှက်ပျောသီးနဲ့ ဒိန်ချဉ်ရောပြီး လိမ်း၊ နာရီဝက်ကြာတဲ့အခါ ရေပြန်ဆေးရမယ်။ ပြီးရင် သုံးနေကျ moisturizer တခုခု ထပ် သုံးရမယ်။ တပတ်ကို သုံးကြိမ် လုပ်ပါ။

လူသုံးများတဲ့ အိမ်သုံးနည်းလည်း ရှိဦးမယ်။ ငါးကြီးဆီ နှစ်လုံးကို ဖောက်ပြီး တင်သားတဖက်ကို နှိပ်ပြီး လိမ်းပေးပါ။ လိမ်းတဲ့အခါ စက်ဝိုင်းပုံ လိမ်းပေးရမယ်။ နှိပ်တဲ့အခါ အနည်းဆုံး ဆယ်မိနစ်ကြာရမယ်။ နာရီဝက် ထားပြီး ရေပြန်ဆေးချပါ။ အာနိသင်ကောင်းဖို့ တနေ့ နှစ်ကြိမ်လုပ်ပါ။ နေ့စဉ်လုပ်ရင် ၃ ပတ်အတွင်း ထူးခြားမှုရှိလာလိမ့်မယ်။

နောက်ဆုံးတနည်းကတော့ butt lifterလို့ခေါ်တဲ့ ရုန်းဆန့်နိုင်တဲ့ ဘောင်းဘီအပျော့စား တွေ ဝတ်တဲ့နည်းပါ။ ဘောင်းဘီကို အတွင်းခံသဘောဝတ်ရပြီး တင်သားအောက်ပိုင်းကနေ ပင့်တင်ပြီး အမြင်သဏ္ဌာန် လှအောင်လုပ်တာဖြစ်တယ်။ ယာယီဆိုပေမယ့် ချက်ချင်းသိသာတဲ့နည်းလို့ ပြောရမယ်။ ခါးဆ်ုက်သာမက ပေါင်တံကိုပါ သိသိသာသာ သေးသွယ်သွားစေတယ်။ ခန္ဓာကိုယ်အချိုးအစားကတော့ အံ့သြစရာကောင်းလောက်အောင် ပြောင်းလဲသွားလိမ့်မယ်။

Credit: ဒေါက်တာ အေးမင်းထူး

သံပုရာသီးရေနွေးစိမ်ရည်ကို တစ်နှစ်ကြာသောက်ပြီးနောက် ဘာတွေဖြစ်လာမလဲ 

နံစာစားပြီးတိုင်း အခွံစိမ်းစိမ်း လတ်လတ်ဆတ်ဆတ် သံပုရာသီးတစ်လုံးကို လေးစိပ်စိပ်၍ ရေနွေးဖြူစိမ် သောက်ပေးရမှာပါ။ သံပု ရာသီးတွေ နွမ်ပျော့သွားတဲ့အထိ ရေနွေးဖြူအသစ် ထပ်လောင်းထည့်၍ ရေဆာတဲ့အခါတိုင်း သောက်ပေးပါ။ ဖန်ခွက်၊ ကော်ခွက်၊ စတီးလ်ခွက်၊ ဖိုင်ဘာခွက်တွေကိုမသုံးဘဲ ကျန်းမာရေးနဲ့ ညီညွတ်တဲ့ ကြွေပန်းကန်လုံးကိုသာ သုံးစွဲဖို့ မမေ့နဲ့နော်။
ဤနည်းအတိုင်း တစ်နေ့ကို သံပုရာသီး တစ်လုံးနှုန်းဖြင့် သံပုရာသီးရေနွေးစိမ်ရည်ကို တစ်နှစ်ကြာသောက်ပြီးနောက်မှာ သင့်အတွက် ဘာတွေထူးခြားလာမလဲ။ ဘာတွေဖြစ်လာမလဲ။
၁။ အဆိပ်အတောက်များ ပြေစေပါတယ်။

အိပ်ယာကနိုးထလာတဲ့အခါ ခန္ဓာကိုယ်ကဆဲလ်တွေ သန့် စင်ဖို့ အတွက်လည်းကောင်း၊ ခြောက်သွေ့နေတဲ့ ဆဲလ်တွေကို သစ်လွင် လန်းဆန်းစေဖို့ အတွက်လည်းကောင်း၊

၎င်းဆဲလ်များကျန်းမာစေဖို့ အတွက် ခန္ဓာကိုယ်က ရေကို လိုအပ်လျက်ရှိနေပါတယ်။ သံပုရာသီး ရေနွေးစိမ်သောက်ပေးခြင်းဖြင့် အဆိပ်အတောက်တွေ ပြေစေပြီး တစ်နေ့တာလုံး ပေါ့ပါးသွက်လက်စေပါမယ်။
၂။ PH ပမာဏကို မျှတစေပါတယ်။

အယ်လ်ကာလီ ဆိုသည်မှာ အက်ဆစ်တို့နှင့် ဓာတ်ပြုကာ ဓာတုဗေဒသဘောအရ

ဆားဖြစ်လာသောအရာမျိုးပါ။ သံပုရာသီးဟာ သဘာဝကရရှိသော အလွန်အံ့ဖွယ်ကောင်းတဲ့

အယ်လ်ကာလီဓာတ်တို့ စုဝေးရာ အသီးတစ်မျိုးဘဲဖြစ်ပါတယ်။ သံပုရာသီး၏ သဘောသဘာဝက အက်ဆစ်ဓာတ်တွေ ပိုင်ဆိုင်ထားသော်လဲ၊ ၄င်းကိုစားသုံးပြီးနောက်

ခန္ဓာကိုယ်ထဲရောက်သွားတဲ့အခါမှာတော့ လူသားတွေ ကျန်းမာရေးအတွက်

ကောင်းကျိုးပြုစေသော အယ်လ်ကာလိုင်းအဖြစ် အကျိုးဖြစ်စေပါတယ်။
၃။ အစာကျေညက်စေပါတယ်။

သံပုရာသီးထဲမှာ သဘာဝ ဗီတာမင် နဲ့ သတ္တုဓာတ်တွေ မြင့်မားစွာပါရှိနေ၍

အူသိမ်အူမများကို အဆိပ် နှင့် ရောဂါပိုးမွှား ညစ်ညမ်းခြင်းမှ ကာကွယ်ပေးနိုင်စွမ်း ရှိပါတယ်။ ၄င်းသံပုရာသီးကို ရေနွေးနဲ့ စိမ်သောက်လိုက်တဲ့ အခါမှာတော့ အစာအိမ်နှင့်အူလမ်းကြောင်းစနစ်ကို လှုံ့ဆော်ပေးကာ၊ အစာကြေလမ်းကြောင်းအတွင်း အစာကိုလှုပ်ရှားရွေ့လျားစေသည့် အလိုအလျောက် ကြွက်သားလှုပ်ရှားမှုကို ကောင်းစွာ အထောက်အပံ့ဖြစ်စေပါတယ်။
၎။ အရေပြားသန့်စေပါတယ်။

ဗီတာမင်စီရဲ့  သဘောသဘာဝက အရေပြားလျော့ရဲခြင်း နှင့် ၀က်ခြံများကို

လျော့ပါးသက်သာစေပြီး၊ သံပုရာသီး နဲ့ ရေနွေးပူတို့ 

ပေါင်းစပ်ဓာတ်ပြုလိုက်တဲ့အခါမှာတော့ ခန္ဓာကိုယ်ထဲရှိ သွေးများကို အဆိပ်အတောက်ပြေ သန့်ရှင်းပေးလိုက်တာကြောင့် အရေပြားများ ကြည်လင်သန့်စင်လာပါတယ်။
၅။ ကိုယ်ခံစွမ်းအားကို တိုးတက်မြင့်မားစေပါတယ်။

သံပုရာသီးထဲရှိ စွမ်းအားပြည့်ဗီတာမင်စီဓာတ်က အအေးမိခြင်းကို အံ့ဖွယ်တွန်းလှန်းပေးခြင်း၊ စွမ်းအားပြည့် ပိုတက်စီယမ်ဓာတ်က

အာရုံကြောနှင့် ဦးနှောက်ဆောင်တာတွေကို နှိုးဆွပေးခြင်း၊ သွေးကြောကြွတ်ဆတ်မှုကို ထိန်းချုပ်ပေးခြင်း၊ ပန်းနာရင်ကျပ် နှင့် အသက်ရှု

လေပြွန်ဆိုင်ရာဝေဒနာတွေကို ကောင်းမွန်စေခြင်း၊ ခန္ဓာကိုယ်ကြီး ကိုယ်ခံအားကောင်းစေဖို့ အတွက် မရှိမဖြစ် လိုအပ်နေသော သံဓာတ်ကို

စုပ်ယူမှုအားကောင်းစေခြင်း ..စသဖြင့် သံပုရာသီးက ကောင်းကျိုးပြုပါတယ်။
သံပုရာသီးရေနွေးစိမ်ရည်သောက်ပေးခြင်းဖြင့် အောက်ပါ ကျန်းမာရေးအကျိုးကျေးဇူးတွေကိ်ု ရရှိစေမှာဖြစ်ပါတယ်။
• အီလက်ထရိုလိုက် အစွမ်းပါရှိနေတာကြောင့်လည်း ခန္ဓကိုယ်အတွက် သွယ်ဝိုက်သောနည်းဖြင့် ရေဓာတ်အဖြစ် ပံ့ပိုးပေးနိုင်ပါတယ်။
• ကြွက်သား နဲ့  အရိုးဆစ်မြစ်တွေ နာကျင်မှုကို သက်သာစေပါတယ်။
• အင်ဇိုင်းပမာဏတွေ တိုးပွားလာစေပါတယ်။
• သွေးတိုးရောဂါသည်များကို ကောင်းကျိုးပြုပါတယ်။
• ကင်ဆာရောဂါများမှ ကာကွယ်ပေးနိုင်ပါတယ်။
• ကိုယ်အလေးချိန်ကို ထိန်းညှ်ိပေးနိုင်ပါတယ်။
• ကယ်လ်စီယမ်အနည်များကို ပျော်ဝင်စေနိုင်တာကြောင့်လည်း

ကျောက်ကပ်ကျောက်တည်ခြင်း၊ သည်းခြေ ကျောက်တည်ခြင်း၊ မုံ့ချိုအိတ်(ပန်ကရိယ) ကျောက်တည်ခြင်း စတာတွေ မဖြစ်စေတော့ပါဘူး။
• ရင်ပူခြင်းကို သက်သာစေပါတယ်။
• အရိုး အဆစ်အမြစ်တွေကို ဒုက္ခပေးတဲ့ ယူရစ်အက်ဆစ်ပမာဏများကို ကျစေပါတယ်။
• ကိုယ်တွင်းကိုယ်ပ ရောင်ရမ်းနာများကို ကောင်းကျိုးပြုပါတယ်။
• အရေပြားပေါ်ရှိ အမာရွတ်များ၊ အမည်းကွက် စတဲ့အပြစ်အနာဆာများကို ပြေလျော့ သက်သာစေပါတယ်။
• အရိုးနုများ၊ အရိုး နှင့် တစ်ရှုးတွေကို ကျန်းမာစေပါတယ်။
ဆေးသောက်နည်းကတော့-
(၁) နံက်စာစားပြီးချိန်မှစ၍ သောက်ပါ။
(၂) လတ်ဆတ်တဲ့ အစိမ်းရောင်အခွံ

သံပုရာသီးတစ်လုံးသုံးပါ။
(၃) အထဲကအရည်လိုက် လာစေရန် နှင့်

အခွံမှအဆီထွက်လာစေရန်တို့ အတွက်၊ ဦးစွာသံပုရာသီးကို စားပွဲသန့်သန့် (သို့) စဥ့်နှီတုံး သန့်သန့်ပေါ်တင်၍ လက်ဖြင့် နှစ်ပတ် သုံးပတ်

အသာအယာလှိမ့်ပေးပါ။
(၄) ပြီးရင် သံပုရာသီးကို လေးစိပ် စိပ်ပါ။
(၅) ရေနွေးဖြူပူပူ ထည့်ထားတဲ့ ကြွေပန်းကန်လုံးထဲသို့ ထိုသံပုရာသီး လေးစိပ်ကို

လက်ဖြင့်အရည်ထွက်အောင်ညှစ်၍၊ သံပုရာရည်၊ သံပုရာခွံ၊ သံပုရာစေ့ အားလုံးကို ကြွေခွက်ထဲသို့ ထည့်၍ သောက်ပေးရုံပါဘဲ။
(၆) ရေနွေးကုန်သွားတဲ့အခါ ထိုသံပုရာခွက်ထဲသို့  ရေနွေးပူပူထပ်ဖြည့်၍ သောက်ပါ။ ရေဆာတိုင်း

ရေနွေးပူဖြည့်၍ သောက်ပေးပါ။
(၇) သံပုရာစေ့များကို ဝါးစားမျိုချနိုင်ပါတယ်။ (သွေးတိုးရောဂါရှိ သူများ အတွက် ထိုသံပုရာစေ့က

လွန်စွာဆေးဖက်ဝင်ပါတယ်)
မှတ်ချက်။
(က) လတ်ဆတ်တဲ့ အစိမ်းမှောသာ အရသာ ချဉ်သော်လည်း၊ ဒုတိယ တတိယခွက်တွေမှာတော့ အရသာမချဉ်တော့ပါဘူး။ နောက်ပြီး ရေနွေးပူနဲ့ ထိတွေ့တဲ့အခါ လတ်ဆတ် တဲ့ အခွံကထွက်လာတဲ့ အဆီက၊ အ၀လွန်ရာင်အခွံ သံပုရာသီးကိုသာသုံးပါ။ ထိုအစိမ်းရောင်အသီးက ပထမဆုံးရေနွေးခွက်အဆီပိုတွေကို ကောင်းကျိုးပြုပါတယ်။
(ခ) အခွံအရောင်ဝါတဲ့ အသီးကို မသုံးပါနှင့်။

၎င်းအခွံဝါက ရေနွေးပူနဲ့ တွေ့ တဲ့အခါ အတန်ငယ် ချွဲထွက်လာပြီး အရသာမှာလည်း

ခါးသက်လှပါတယ်။
(ဂ) အထက်ပါနည်း အတိုင်း သံပုရာသီး တစ်နေ့ တစ်လုံး မှန်မှန်သောက်ပေးခြင်းဖြင့် သုံးလအတွင်းမှာပင် စာရေးသူ၏

ဝမ်းဗိုက်နှင့်ခါးမှ အဆီများကျ၍ နှစ်လက္ခခန့်  သိသိသသာသာ ကိုယ်ရေစစ်ကျသွားတာကို လက်တွေ့ ခံစားသိရှိရပါတယ်။
(ဃ) အစာအိမ်ရောဂါရှိသူများ၊ အစာအိမ်အက်ဆစ် အထွက်များသူများ၊ သွေးပေါင်ကျတတ်သူများ နှင့်

ထို သံပုရာသီး ရေနွေးစိမ်သောက်ပြီးနောက် ဗိုက်အောင့် လာသူများ မသောက်သုံးသင့်ပါဘူး။
(င) တစ်နေကုန် သံပုရာစိမ်ရည် သောက်ထားတာကြောင့် ညအိပ်ခါနီး နှင့် နံက်အိပ်ယာထ သွားတိုက်ခါနီးတိုင်းမှာ

ဦးစွာရေများများဖြင့် ပလုပ်နာနာကျင်းပေးပါ။ ပြီးမှ သွားတိုက်ပါ။
ပေါက်ပေါက်
Credit: Yangon Media

အချစ်ဆိုတာ ဆက်ဆံဖို့တစ်ခုတည်းပေါ်မှာ အခြေမခံပါ...(အချစ်နဲ့ ဖိုမဆက်ဆံခြင်း)

အချစ်ဆိုတာ လေးစားမှု ၊ ယုံကြည်စိတ်ချရမှု ၊ ရိုးသားမှုပေါ်မှာအခြေခံပြီး အတူလိင်ဆက်ဆံရန် ဆိုတဲ့အချက်ပေါ်မှာ အခြေမခံပါဘူး။

အချစ်ကို လေ့လာဖူးသူတစ်ချို့ကပြောတယ်…
Love(အချစ်) ဆိုတာ နူးညံတဲ့ စိတ်ခံစားမှုတစ်ခုဖြစ်ပြီး Sex(ဖိုမဆက်ဆံခြင်း) ဆိုတာကတော့ ရုပ်ပိုင်းဆိုင်ရာ အပြုအမူတစ်ခုဖြစ်ပါတယ်။
Sex(ဖိုမဆက်ဆံခြင်း) ဆိုတာ လူတစ်ယောက်ရဲ့စိတ်ကို ခဏတာနှစ်သိမ့်မှုပဲ ပေးနိုင်တာဖြစ်ပြီး Love (အချစ်) ဆိုတာကတော့ လူတစ်ယောက်ကို စိတ်ကျေနပ်လောက်တဲ့ စိတ်ချမ်းသာ ပျော်ရွှင်မှုတွေ ပေးနိုင်တယ်လို့ဆိုပါတယ်။

Love (အချစ်)ရဲ့နောက်မှာ Sex(ဖိုမဆက်ဆံခြင်း) ဆိုတာကပ်ပါလာကြတာ ဓမ္မတာပါပဲ..။
ဒါပေမယ့် ပျော်ရွှင်သာယာတဲ့အိမ်ထောင်ရှင်တစ်ချို့ကို စစ်တမ်းကောက်ယူလိုက်တဲ့အခါ Sex(ဖိုမဆက်ဆံခြင်း) ဆိုတာ ကြီးကို အဓိကထားကြတာမဟုတ်ခဲ့ဘဲ နွေးထွေးတဲ့အချစ်တွေနဲ့သာ မိသားစုဘ၀ကိုပျော်ရွှင်သာယာစေခဲ့ကြတာဖြစ်တယ်လို့ သိရှိခဲ့ရပါတယ်..။

ဒါမို့ Sex(ဖိုမဆက်ဆံခြင်း) ဆိုတဲ့အရာပေါ်မှာပဲ အာရုံမထားပဲ နွေးထွေးတဲ့အချစ်တွေနဲ့ ပျော်ရွှင်သာယာတဲ့အိမ်ထောင်ရေး(သို့)အချစ်ရေးများကို ဖန်တီးနိုင်သူများ ဖြစ်နိုင်ကြပါစေ...။



Credit: Momolay

လင် နဲ့မယား မှာ အပြန်အလှန်တင်ရမဲ့ကျေးဇူး တွေရှိကြပါတယ်..(အရမ်းကို ကောင်းတဲ့ ပို့စ်တစ်ခုပါ)

အိမ်ထောင်ကျ ပြီးမှ အိမ်ရှင်မ အမျိုးသမီး ဟာ အပျို ဘ၀ကထက်ပိုလှနေတယ်၊ ပိုတင့်တယ်နေတယ်ဆိုရင် အဲဒီ အမျိုးသမီး ဟာ ခင်ပွန်းကောင်း ကို ပိုင်ဆိုင်ထားရလို့ လို့ ဆိုကြတယ်။

အိမ်ထောင်ကျ ပြီးမှ ခင်ပွန်း ဖြစ်သူ အမျိုးသား ဟာ လူပျို ဘ၀ တုန်းကထက်ပိုပြီး ခန့်ညား
တင့်တယ်နေတယ်ဆိုရင် သူဟာ ဇနီးကောင်း ကို ရရှိထားလို့လို့ ဆိုကြပါတယ်။
အပျို၊ လူပျို ဘ၀မှာထက်ပိုပြီး တင့်တယ်နေတဲ့ ဇနီးမောင်နှံ တွေကတော့ ရှေးရေစက်ကြောင့်ဆုံရတဲ့ စုံတွဲ၊ ကုသိုလ်အတူတူပြုဖို့ နတ်ဖက်တဲ့အတွဲလို့လည်း ဆိုကြပြန်တယ်။
အဲဒီအဆိုတွေကို ကျွန်မ ကတော့ နားလည်လက်ခံမိပါတယ်။အများစုမှာတော့လူပျို၊ အပျို ဘ၀တုန်းက မိဘရဲ့အရိပ်အောက်မှာ နေရစဉ်တုန်းက လောကဓံကို ကြုံရပေမဲ့မိဘရဲ့အမိုးအကာအောက်မှာ ရှိနေတဲ့အတွက် မပြင်းထန်လှပါဘူး။ ကိုယ့် အိမ်ထောင် နဲ့ ကိုယ့် မိသားစု နဲ့ဖြစ်လာချိန်မှာ ကောင်းကောင်းဆိုးဆိုး လောကဓံနှစ်မျိုးစလုံးကို ကိုယ်တိုင်ကိုယ်ကျ ကြုံပြီး ရင်ဆိုင်ဖြတ်သန်းကြရပါပြီ။

အဲဒီလို ကာလမှာ ကို်ယ်တွဲဖက်ခွင့်ရထားတဲ့ အိမ်ထောင်ဘက် ရဲ့အရည်အသွေးဟာ
လည်း ပေါ်လွင်ထင်ရှားလာတတ်ပါတယ်။ကိုယ်နိမ့်ပါးချိန်မှာ ကိုယ့်ကိုထားပြီး အငယ်နောက် လိုက်သွားတဲ့သူတွေ၊ ကိုယ့်ရဲ့ မရှိမဲ့ရှိမဲ့ပိုက်ဆံ လေးကို ယူပြီး ကိုယ့်ကိုယ်တော့ ထားပစ်ခဲ့ပြီး ထွက်ပြေးသွားတဲ့ သူတွေ၊ စိတ်ဆင်းရဲပြီး စိတ်ဓါတ်ကျနေတဲ့ ကိုယ့်ကို မသိချင်ယောင်ဆောင်ပြီး ပစ်ထားတဲ့သူတွေကို ဆင်းရဲချိန်၊ နိမ့်ပါးချိန်၊ ဒုက္ခရောက်ချိန်မှာ တွေ့ရတော့တာပါပဲ။

အဲဒီလို အ်ိမ်ထောင်ဘက် မျိုးနဲ့ ကြုံရတဲ့အမျိုးသား၊ အမျိုးသမီး တွေဟာ အိမ်ထောင်ကျ ပြီး နောက်မှာ ခြုံးခြုံးကျကြရတဲ့ရုပ်သွင်နဲ့သွင်ပြင် ဖြစ်ကုန်ကြတယ်။ သူတို့ရဲ့ မရွှင်မလန်းတဲ့ မျက်နှာနဲ့ညှိုးငယ်တဲ့ အသွင်က သူတို့ရရှိထားတဲ့အိမ်ထောင်ဘက် တွေရဲ့ ကိုယ်ရည်ကိုယ်သွေးကို ပြသနေကြပါတယ်။
နောက်တစ်မျိုးကတော့ သူဘယ်လောက်ကောင်းသလဲ ဆိုတာကို ကိုယ်တကယ်ဒုက္ခရောက်ချိန်မှာ ပိုပြီး သိလာရတဲ့သူမျိုးပါ။ ကိုယ်အဆင်မပြေလို့ ဒုက္ခရောက်နေချိန်မှာ နားလည်စွာနဲ့ ဘေးကနေရှိပြီး ရင်ဆိုင်ပေးတတ်သလို၊မိသားစုအတွက် လိုအပ်ရင် ရှေ့က ထွက်ပြီး တံတိုင်းကြီးလို ကာကွယ်ပေးတယ်၊ အသေးစား စိတ်ဖိစီးမှုပဲ ဖြစ်ဖြစ် အကြီးစားစိတ်ဖိစီးမှုတွေကုိုပဲ ဖြစ်ဖြစ် ကိုယ့်ရဲ့စိတ်ပိုင်းဆိုင်ရာကိုလည်း အားပေးနှစ်သိမ့်ရင်းနဲ့ကိုယ်နဲ့အတူတူ ဖြေရှင်းရင်ဆိုင်ပေးတယ်။
အဲဒီလို အိမ်ထောင်ဘက် ကောင်း ကို ပိုင်ဆိုင်ထားတဲ့ သူတွေကတော့ မြင်ရတာနဲ့တင် သိသာစေတယ်။ ရွှင်လန်းတယ်၊ ကျေနပ်နှစ်သိမ့်မှုရှိနေတဲ့ အပြုံးတွေနဲ့ လှုပ်ရှားမှုတွေနဲ့သက်ဝင်နေတယ်။ စိတ်ပိုင်းဆိုင်ရာကျေနပ်မှု ရှိနေတဲ့အတွက် လုံခြုံမှုတစ်ခုကို ရရှိထားတဲ့သူတစ်ဦးရဲ့ အသွင်မျိုးနဲ့တွေ့မြင်ရပါတယ်။

အဲဒီလို အိမ်ထောင်ဘက် ကောင်းရရှိထားတဲ့ သူတွေပဲ ဖြစ်ဖြစ်၊ အိမ်ထောင်ဘက် ဆိုးနဲ့ရေစက်ဆုံနေရတဲက သူတွေပဲဖြစ်ဖြစ် အားလုံးကတော့ ဇနီးမောင်နှံ တွေဖြစ်ကြပြီ ဆိုကတည်းက အတိတ်ဘ၀တုန်းက ကုသိုလ်၊ အကုသုိုလ် အတူတူ ပြုဖူးခဲ့တဲ့သူတွေပါ.
ဒါကြောင့်ကိုယ်ရဲ့အိမ်ထောင်ဘက် တွေအပေါ်မှာ တန်ဖိုးထားသင့်တယ်။ သူ့နဲ့ကိုယ်နဲ့ ရေစက်ရှိလို့သာ ဆုံခဲ့ရတယ်။ ဒါပေမဲ့ အချို့ကတော့ ရေစက်တွေကလည်း တိုတောင်းတက်ပါသေးတယ်။

ဘ၀ရေးမှာပဲ ဖြစ်စြဖ် အိမ်ထောင်ရေးမှာပဲ ဖြစ်ဖြစ် ကုသိုလ်၊ အကုသိုလ် မတူတဲ့သူတွေကလည်း ကြာကြာအတူပေါင်းသင်းနေထိုင်လို့မရပါဘူး။ ဆိုပါတော့ အိမ်ထောင်ရှင်မ က ကောင်းပါလျက်နဲ့ ဇနီးသည် အပေါ် ဖောက်ပြန်တတ်တဲ့ ခင်ပွန်း မျိုး ရှိနေတယ်ဆိုရင် သူနဲ့ကိုယ်က အကျင့်သီလ မှာမတူတော့ပါဘူး။မတူအတွဲတွေမှာ တစ်ယောက်က ကောင်းပြီး တစ်ယောက်က မကောင်းတဲ့အတွက် ကုသိုလ်၊အကုသုိုလ်တွေကလည်း မတူနိုင်တော့ဘူး။ ဒါကြောင့် မကောင်းတဲ့သူက ကောင်းတဲ့သူနားမှာ မနေနိုင်လို့ မကောင်းတဲ့သူ အချင်းချင်းသွားပေါင်းကြတာပါ။
ဒီသဘောတရားကို နားလည်လက်ခံမယ်ဆိုရင် ကို်ယ့်နားမှာ အကုသိုလ် မကင်းတဲ့သူတွေ ကိုယ့်နားမှာ မနေနိုင်ကြတာ ကိုယ့်အတွက်ကောင်းတယ်လို့လည်း မှတ်ယူလို့ရပါသေးတယ်။
တကယ်တော့ဇနီးမောင်နှံ နှစ်ယောက်၊တစ်ယောက်က ကုသိုလ်ပဲပြုပြု၊အကုသိုလ်ပဲလုပ်လုပ်၊ ကျန်တဲ့ တစ်ယောက်က စိတ်တူ(စိတ်ပါ)မှ ရနိုင်တယ်။ စိတ်မတူရင် မရဘူး။ ပြုလုပ်သူသာလျှင် ရတယ်လို့ ဘာသာရေးအရ မှတ်သားခဲ့ဖူးတယ်။

ပြီးတော့ မှတ်သားမိစေတာလည်း ရှိသေးတယ်.။

မောင်ပုဏ္ဏတောထဲမှာ လယ်ယာတွေကို တစ်ယောက်တည်း၊ဆင်းရဲပင်ပန်းစွာ
လုပ်ကိုင်နေရတယ်။တစ်ရက်တော့ နံနက် ၁၁-နာရီလောက်ထိ ထမင်းမစားရသေးဘူး။ ဘာဖြစ်လို့လဲဆိုတော့ အိမ်က ဇနီး က ထမင်းလာမပို့သေးလို့ဖြစ်တယ်။ လူ့သဘာဝက“ဆာနေတဲ့အချိန် မစားရရင် အလွန်ဒေါသဖြစ်တတ်တယ်။မောင်ပုဏ္ဏမှာလည်း နေကပူ၊အလုပ်ကပင်ပန်း၊ဗိုက်ကဆာ ထမင်းက ရောက်မလာသေး၊ ဘယ်လောက်စိတ်တိုစရာကောင်းသလဲဆိုတာစဉ်းစားကြည့်ပေတော့။ ဟော ..နေပူကြဲကြဲချွေးရွှဲရွှဲနဲ့ ထမင်းထုပ်ခေါင်းပေါ်ရွက်ပြီး၊ခြေလှမ်းသွက်သွက်နဲ့ လာနေတဲ့ ဇနီးသည် မြင်ရတော့ သူ့ဇနီးအပေါ် ထားတဲ့မေတ္တာစိတ်နဲ့ သူ့ဒေါသက အရှိန်တော့ လျော့ကျသွားတယ်။

သူ့ကို တွေ့တွေ့ချင်း ဇနီးဖြစ်သူက “မောင်ရေအချိန်နောက်ကျသွားတာ ခွင့်လွှတ်နော်၊ မောင့်အတွက် လာပို့တဲ့ထမင်းကို လမ်းမှာရှင်သာရိပုတ္တရာ မထေရ်မြတ်ကို လှူဒါန်းလိုက်တယ်၊ အဲဒါကြောင့်
နောက်တစ်ခေါက်အိမ်ပြန်ပြီး၊ချက်ရလို့မောင့်အတွက်နောက်ကျမှာစိုးလို့အမြန်ချက်ပြီးအမြန်လာခဲ့ရတယ်၊ မောင် ဆာနေမယ်ဆိုတာ သိပါတယ်။ဒီတော့ မောင်ရယ် လမ်းမှာလှူခဲ့တဲ့ ဆွမ်းကုသိုလ် ရဲ့
အဖို့ကို မောင့်အား အမျှပေးပါတယ်“ လို့ ဆိုပါတယ်။
ဒီတော့မောင်ပုဏ္ဏကလည်း စိတ်မဆိုးဘဲနဲ့ သူ့ဇနီး ရဲ့သဒ္ဒါစိတ်နဲ့သူ့အပေါ် ထားရှိတဲ့မေတ္တာစိတ်ကို ခံစားနားလည်ပြီး ဝမ်းသာလွန်းလို့ “ဝမ်းသာလိုက်တာ ရှင်မရယ်၊သာဓု ….သာဓု ..သာဓု”လို့ခေါ်လိုက်တယ်။
ဪ…ဒါနဲ့ရှင်မရေ ကိုယ်လည်း မနက်က အရှင်သာရိပုတ္တရာကို ရေနဲ့ဒန်ပူ လှူလိုက်သေးတယ်။ အဲဒါ ညီမ ကိုလည်းအမျှပေးပါတယ်။

“ဝမ်းသာလိုက်တာမောင်ရယ်။ သာဓု .သာဓု”ပါလို့ အသိအမှတ်ပြုလိုက်တယ်။
ဖြစ်နိုင်ရင် မိသားစုအစုံနဲ့ ရိုရိုသေသေ လေးလေးစားစားနဲ့ စိတ်တူကိုယ်တူအလှူရေစက်လက်နဲ့မကွာ ကိုယ်တိုင်ကိုယ်ကျလှူစေချင်ပါတယ်။အဲဒီလို လှူတတ်မှလည်း ဖြစ်လေရာဘဝမှာ ပါရမီရှင် စုံတွဲတွေအဖြစ် အတူတူအကျိုးပေးကြမှာပါ။

ချစ်တဲ့သူနဲ့အတူတူကုသိုလ်ပြုပါလို့တိုက်တွန်းပါရစေရှင်။
မတူတဲ့အမြင်များကို ဆွေးနွေးဖို့ဖိတ်ခေါ်ပါတယ်။
ကျေးဇူးတင်ပါတယ်။


Credit::မေသင်္ကြန်ဟိန်(မြစ်မခ)

မိခင်​​ဈေး​ရောင်းသွား​နေစဉ်​ ဖခင်​၏​ပေါ့ဆမှု​ကြောင့် အမွှာညီအကို က​လေး၂ဦး ​ရေနစ်​​သေဆုံး

မိခင်​​ဈေး​ရောင်းသွား​နေစဉ်​ ဖခင်​၏​ပေါ့ဆမှု​ကြောင့် အမွှာညီအကို က​လေး၂ဦး ​ရေနစ်​​သေဆုံး

မိခင်​ဖြစ်​သူက ငါး​ရောင်းရန်​ ​နေအိမ်​မှထွက်​သွားစဉ်​ ဖခင်​နဲ့အတူ ထားခဲ့​သော အမွှာညီအစ်​ကို က​လေး ၂ဦး မှာ အိမ်​​ရှေ့​ သောက်​​ရေကန်​ထဲ၌​ ရေနစ်​​သေဆုံး​နေ​သည့် အမှုဖြစ်​စဉ်​တခု
ပေါင်​မြို့နယ်​ အလှပ်​​ကျေးရွာတွင် ​ဖြစ်​ပွားခဲ့သည်​။

သြဂုတ်​လ၂၄ ရက်​ မနက်​၈နာရီခန့်​က ငါး​ရောင်းရာ မှပြန်​လာသူ မခင်​မိုး ၄၀ နှစ်​ အလှပ်​​ကျေးရွာ ​နေသူသည် ​မိမိ၏သား၂​ယောက်​ကို ရှာမ​တွေ့ရသဖြင့် အိမ်​​ပေါ်တွင်​ အိပ်​​ပျော်​​နေသည့်
ခင်​ပွန်း ဦးကွန်​သား အားနှိုး၍ရှာ​ဖွေကြစဉ်​၊ အလှပ်​ရွာ သာမညကွင်းအမှတ်​ ၈၄၀ လယ်​ကွင်းရှိမိမိ​နေအိမ်​​ရှေ့မှ ​ပေ၄၀×​ပေ၄၀ အနက်​၃​ပေ ခန့်​ရှိ ​သောက်​​ရေကန်​ထဲတွင်​ ၂နှစ်​နှင့်၂လသားအရွယ်​ အမွှာညီအစ်​ကို က​လေး၂ဦးအား​ သေဆုံးလျှက်​​တွေ့ရသည်​ဟု သိရသည်​။

အဆိုပါ က​လေး​ရေနစ်​​သေဆုံးရခြင်းနဲ့ ပတ်​သက်​၍ ရဲထံဆက်​သွယ်​​မေးမြန်းခဲ့စဉ်​ " အုပ်​ချုပ်​​ရေးမှုးဖုန်းဆက်​သတင်းပို့လို့ ကျ​နော်​တို့​ရောက်​သွား​တော့ က​လေးအ​လောင်း​တွေက အိမ်​​ပေါ်​ရောက်​​နေပြီဗျ က​လေးအ​ဖေက ဒီ​နေ့မှပဲအိပ်​​ပျော်​သွားတယ်​လို့ ​ပြောတယ်​​ ရေကန်​မှာ​ ရေခတ်​တဲ့အခါတံတားထိုးထားတယ်​ က​လေး​တွေက အဲ့တံတားက​နေ​ဆော့ ကစားရင်း​ရေထဲကျပြီးဆုံး
သွားတဲ့အ​နေအထားပါ"ဟု အလှပ်​နယ်​​မြေရဲစခန်းမှုးရဲအုပ်​တင့်လွင်​က ပြန်​လည်​​ဖြေဆိုသည်​။

သေဆုံးသူက​လေး၂ဦးအမည်​မှာ အာကာထွန်းနှင့် အာကာထက်​တို့ဖြစ်​ပြီး အသက်​ ၂နှစ်​ ၂လ (ဘ) ဦးကွန်​သားဖြစ်​သည်​ က​လေး၂ဦး​သေဆုံးမှုနှင့် ပတ်​သက်​၍​ ပေါင်​ရဲစခန်း၏ ​သေမှု​သေခင်းအမှတ်​စဉ်​ ၄၂/၂၀၁၇ ဖြင့်​ သြဂုတ်​၂၄ ရက်​ည​နေ ၄ နာရီအချိန်​ အမှုဖွင့်​ကာ ရဲအုပ်​တင့်​လွင်​ ကစစ်​​ဆေး​နေ​ကြောင်း ရဲမှတ်​တမ်းများအရ သိရသည်​။

Crd: Paung Daily

အစွန်းရောက်ဘင်္ဂလီအကြမ်းဖက်များ၏ တိုက်ခိုက်မှုကြောင့် သေဆုံးသွားသည် ဟု ယူဆခဲ့သော ဒိုင်းနက် တိုင်းရင်းသား များအား ကယ်ဆယ်နိုင်ခဲ့

အစွန်းရောက်ဘင်္ဂလီအကြမ်းဖက်များ၏ တိုက်ခိုက်မှုကြောင့် သေဆုံးသွားသည် ဟု ယူဆခဲ့သော ဒိုင်းနက် တိုင်းရင်းသား များအား ကယ်ဆယ်နိုင်ခဲ့

[အစွန်းရောက် ဘဂါင်္လီ အကြမ်းဖက်သမား သတင်း - ၁၁]

အစွန်းရောက်ဘင်္ဂလီအကြမ်းဖက်များ၏ တိုက်ခိုက်မှုကြောင့် သေဆုံးသွားသည် ဟု ယူဆခဲ့သော ဒိုင်းနက် တိုင်းရင်းသား များအား ကယ်ဆယ်နိုင်ခဲ့

သြဂုတ် ၂၈၊ ၂၀၁၇

မောင်တောမြို့နယ် နယ်မြေ (၂)၊ ရန်ကာစေတီကျေးရွာ ဒိုင်းနက် တိုင်းရင်းသား ၂၂ ဦးသည် သြဂုတ်လ ၂၆ ရက် မွန်းလွဲ ၂ နာရီခွဲတွင် အောင်ဇံတိုင်းရင်းသားကျေးရွာ သို့သွားရောက်နေထိုင်ရန် ထွက်ခွာလာစဉ် ကြောင်ဒိုးကျေးရွာအဝင်တံတားအနီး၌ အစွန်းရောက် ဘင်္ဂလီ အကြမ်းဖက်သမား ၁၀၀ဦး ခန့်က တုတ်၊ ဓါးများဖြင့် ဝိုင်းဝန်းထိုးခုတ်သောကြောင့် ဦးမောင်ဘစိန် ၂၈ နှစ် ထွက်ပြေးလွတ်မြောက်ခဲ့မှု သတင်းအား ထုတ်ပြန်ခဲ့ပြီးဖြစ်သည်။ လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့သည် သြဂုတ် ၂၇ ရက်နေ့တွင် ရန်ကာစေတီရွာသို့ ရောက်ရှိပြီး ရွာ၌ပုန်းကွယ်ကျန်ရှိနေသော ဦးကျော်သာအောင် ၆၀နှစ်အပါအဝင် ဒိုင်းနက်လူမျိုး ၃၈ ဦးအား ကူညီ ကယ်ဆယ်ခဲ့ပြီး နယ်မြေရုံးသို့ ခေါ်ဆောင်ခဲ့သည်။ အစွန်းရောက်ဘင်္ဂလီအကြမ်းဖက်သမားများ၏ တိုက်ခိုက်မှုမှ လွတ်မြောက်လာသူ အမျိုးသား ၈ဦး နှင့် အမျိုးသမီး ၈ ဦး စုစုပေါင်း ၁၆ ဦးတို့သည် သြဂုတ်လ ၂၈ ရက် (ယနေ့) နံနက် ၅နာရီတွင် နယ်မြေရုံးသို့ ရောက်ရှိလာခဲ့ပြီး မဦးခင်ခင် ၂၇ နှစ်၊ (ဖ) ဦးစံရွှေအောင်တွင် ဓါးပြတ်ရှဒဏ်ရာများ (စိုးရိမ်ရ) ရရှိခဲ့၍ ဆေးရုံတွင် ဆေးကုသမှုခံယူလျက်ရှိကြောင်း သိရသည်။

စစ်ဆေးမေးမြန်းချက်အရ ဦးစိန်ထွန်းမောင် ၂၈ နှစ်အပါအဝင် ၅ ဦးတို့မှာ အစွန်းရောက် ဘင်္ဂလီ အကြမ်းဖက်သမားအဖွဲ့၏ ဝိုင်းဝန်းထိုးခုတ်မှုကြောင့် သြဂုတ်၂၆ ရက် အခင်းဖြစ်နေရာတွင် သေဆုံး ခဲ့ကြောင်း သိရသည်။

အစွန်းရောက်ဘင်္ဂလီအကြမ်းဖက်တိုက်ခိုက်မှုခံခဲ့ရသော ရန်ကာစေတီကျေးရွာနှေ ဒိုင်းနက် တိုင်းရင်းသား ၂၂ဦးအနက်မှ ၅ဦးသေဆုံးခဲ့ပြီး ၁၇ ဦးကယ်တင်နိုင်ခဲ့သည်။ အလားတူ အကြမ်းဖက်သမား များ၏ အန္တရာယ်မှတိမ်းရှောင် ပုန်းကွယ်နေခဲ့ရသော ဒိုင်းနက်တိုင်းရင်းသား ၃၈ဦးအား လုံခြုံရေးတပ်ဖွဲ့ဝင် များက ဘေးကင်းလုံခြုံရာသို့ ကယ်ထုတ်ရွှေ့ပြောင်းပေးနိုင်ခဲ့သဖြင့် စုစုပေါင်း ဒိုင်းနက်တိုင်းရင်းသား ၅၅ ဦးအား ကူညီကယ်ဆယ်နိုင်ခဲ့ကြောင်း သိရှိရသည်။

(နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom/

ရခိုင်ဒေသမှာ အရပ်သား ထောင်နဲ့ချီ ပိတ်မိနေဆဲ

ရခိုင်ဒေသမှာ အရပ်သား ထောင်နဲ့ချီ ပိတ်မိနေဆဲ

 မောင်တောမြို့နယ်ထဲက ရခိုင်ရွာတွေက အိမ်တွေ အများဆုံး မီးရှို့ ဖျက်ဆီးခံရ

ရခိုင်ပြည်နယ် မောင်တော ၊ ဘူးသီးတောင်နဲ့ ရသေ့တောင် ဒေသတွေမှာ အကြမ်းဖက် တိုက်ခိုက်မှုတွေကြောင့် အရပ်သားတွေ ထောင်ပေါင်းများစွာ ပိတ်မိနေကြပြီး ကယ်ဆယ်ရေး အကူအညီတွေ အရောက်ပို့ပေးနိုင်ဖို့ အခက်အခဲ ကြုံနေရတယ်လို့ သိရပါတယ်။

အဲဒီဒေသတွေထဲမှာ မောင်တောမြို့နယ်က ရွာတွေက မီးရှို့ခံရမှု အများဆုံး ဖြစ်ပြီး အဆိုးဝါးဆုံးလို့ ပြောနိုင်ကြောင်း လူမှုကယ်ဆယ်ရေး အကူအညီတွေ သွားရောက် ဝေငှပေးနိုင်ဖို့ ကြိုးစားနေတဲ့ ရခိုင် အမျိုးသား ပါတီ အရေးပေါ် ဘေးဒုက္ခ ကူညီ ကယ်ဆယ်ရေး ကော်မတီ ဥက္ကဌ ဒေါ်အေးနုစိန်က ပြောပါတယ်။

အကြမ်းဖက်သမားတွေရဲ့ မိုင်းထောင် ဖျက်ဆီးမှုတွေကြောင့် လမ်းပန်း အဆက်အသွယ်တွေ ပြတ်နေပြီး အဲဒီ ဒေသတွေမှာ စားနပ်ရိက္ခာတွေ ပြတ်လပ်နေကြောင်းနဲ့ အစား၂နပ်ကို တနပ်ထဲ စားရတာမျိုး ကလေးငယ်တွေနဲ့ သက်ကြီးရွယ်အိုတွေကို ဦးစားပေး ကျွေးပြီး ကျန်တဲ့သူတွေက အငတ်ခံနေရတာမျိုးတွေနဲ့ ကြုံနေရတယ်လို့ ဆိုပါတယ်။

အခုရက်ပိုင်းအတွင်း ရိက္ခာတွေ ကုန်တော့မှာမို့ ဆန်၊ဆီ၊ ပဲ ၊ ငါးခြောက်စတဲ့ အခြေခံ အစားအစာတွေကို ဒုက္ခသည်တွေဆီ အမြန်ပို့ပေးနိုင်အောင် သက်ဆိုင်ရာနဲ့ ပူးပေါင်း စီစဉ်နေတယ်လို့ ပြောပါတယ်။

BBC Burmese
http://www.bbc.com/burmese

အကြမ်းဖက်သမားများ ပစ်ခတ်မှုကြောင့် ဆောက်လုပ်ရေးဝန်ထမ်းနှစ်ဦး ဒဏ်ရာရရှိ...

အကြမ်းဖက်သမားများ ပစ်ခတ်မှုကြောင့် ဆောက်လုပ်ရေးဝန်ထမ်းနှစ်ဦး ဒဏ်ရာရရှိ...

ကိုးတန်ကောက်ရခိုင်ကျေးရွာမှ ချိန်ခလိန်ဘင်္ဂါလီ ရွာကိုဖြတ်၍ ရသေ့တောင်ဘက်သို့ လာသော လမ်းဦးစီးဌာနမှ ဆောက်လုပ်ရေးဝန်ထမ်း ၄ ဦးကို ချိန်ခါလိန် ဘင်္ဂါလီ ဒုက္ခသည်စခန်းအရောက်တွင် အကြမ်းဖက်သမားများမှ သေနတ်ဖြင့် ပစ်ခတ်မှုကြောင့် ၂ ဦးဒဏ်ရာရရှိခဲ့သည်ဟု သတင်းရရှိသည်။

ဒဏ်ရာရရှိသူနှစ်ဦးမှာ ဦးမောင်သိန်းအောင် (၄၄)နှစ်နှင့် ဦးဇော်ဇော်သူ (၃၇) နှစ်တို့ဖြစ်ကြသည်။

သူတို့သည် ကိုးတန်ကောက်လမ်းကို ပြင်နေသည့် လမ်းဦးစီးဌာနမှ SE ဦးဖြိုးမင်းသန်း ဦးဆောင်သည့်အဖွဲ့တွင် အလုပ်လုပ်နေသည့် ၀န်ထမ်းများဖြစ်ကြောင်း သိရသည်။

“တိုက်ပွဲတွေဖြစ်တော့ သူတို့ ကိုးတန်ကောက်မှာ ပိတ်မိနေခဲ့ကြပါတယ်။ ချိန်ခလိန်မှာ တပ်မတော်က ရှင်းလင်းရေး လုပ်ပြီးပြီဆိုတော့ လုံခြုံတယ်ထင်ပြီး ရသေ့တောင်ဘက်ကို သွားဖို့ ဆိုင်ကယ် ၂ စီး၊ လူ ၄ ယောက်နဲ့ လာကြတာပါ။ ဦးဖြိုးမင်းသန်းတို့ အစီးက ရှေ့က၊ အပစ်ခံရတဲ့ ဦးမောင်သိန်းအောင်နဲ့ ဇော်ဇော်သူတို့အစီးက နောက်ကပါ။ ချိန်ခါလိန် ဘင်္ဂါလီ ဒုက္ခသည်စခန်းအရောက်မှာတော့ အကြမ်းဖက်သမားတွေရဲ့ ပစ်ခတ်မှုကြောင့် အခုလို ဒဏ်ရာရရှိ ခဲ့ကြတာပါ”ဟု ဒဏ်ရာရသူ နှစ်ဦးကို စစ်တွေဆေးရုံတွင် ကုသရန် ယူဆောင်လာသည့် ရသေ့တောင်မြို့နယ် မဲဆန္ဒနယ်မှ ပြည်နယ်လွှတ်တော်ကိုယ်စားလှယ် ဦးသန်းနိုင်က နိရဉ္စရာသတင်းဌာနသို့ ပြောသည်။

ဦးမောင်သိန်းအောင်တွင် ဦးခေါင်းနှင့် လက်တို့တွင် ဒဏ်ရာရရှိခဲ့ပြီး၊ ဦးဇော်ဇော်သူတွင် ခြေထောက်တွင် ဒဏ်ရရှိကြောင်း၊ ဒဏ်ရာမပြင်းထန်ကြောင်း၊ စရစ်ကျည်ဒဏ်ရာဖြစ်ပြီး လုပ်သေနတ်ဖြင့် ပစ်ခတ်သည်ဟု ယူဆရကြောင်း ဦးသန်းနိုင်ကပြောသည်။

ယင်းသို့ ဒဏ်ရာရရှိထားသော်လည်း ဆိုင်ကယ်မောင်းပြီး ထွက်ပြေးလာရာ ချိန်ခါလီ ရခိုင်ကျေးရွာသို့ ရောက်ရှိလာခဲ့ပြီး အဖြစ်အပျက်ကို လုံခြုံရေးတပ်ဖွဲ့သို့ သတင်းပို့ထားပြီး တပ်မတော်စစ်ကြောင်းက အခင်းဖြစ်ပွားရာနေရာသို့ သွားရောက်လျက်ရှိသည်ဟု ဆိုသည်။

အဆိုပါ ဒဏ်ရာရရှိသူနှစ်ဦးကို ရသေ့တောင်မြို့နယ် မဲဆန္ဒနယ်မှ ပြည်နယ်လွှတ်တော်ကိုယ်စားလှယ် ဦးသန်းနိုင်က ချိန်ခလိန်မှ အငူမော်၊ ထိုမှတစ်ဆင့် သူ၏ စပီးဘုတ်ဖြင့် စစ်တွေသို့ သယ်ယူလာခြင်း ဖြစ်သည်ဟု သိရှိရသည်။

စံမောင်သန်း၊ စစ်တွေ
Narinjara